اعرف كليتك......كلية أصول الدين كليه العظماء في العلوم الشرعية

اعرف كليتك......كلية أصول الدين كليه العظماء في العلوم الشرعية

  • الجمعة ١٦ أكتوبر ٢٠٢٠ - ٧:١٢ م
  • 294

 

السلام عليكم ورحمة الله وبركاته....

هنتكلم عن كليه أصول الدين كليه العظماء في العلوم الشرعية


الكليه اللي أساس من أسس نشاه العلوم الشرعيه في الأزهر
الكلية اللى اتخرج منها الدكتور أحمد الطيب شيخ الأزهر الحالي

كلية أصول الدين هي إحدى الكليات التابعة لجامعة الأزهر الشريف و هي أقدم كلية بجامعة الأزهر الشريف حيث نزل مرسوم ملكي باعتماد مناهجها عام 1931 م ومدة الدراسة بها أربع سنوات يحصل بعدها الطالب على (ليسانس أصول الدين) وهي كليتان أصول الدين (بنين) ومقرها منطقة الحسين بالدراسة بالقاهرة وكلية أصول الدين (بنات) ومقرها مدينة نصر.
تهدف إلى رفع لواء الدعوة الإسلامية والحفاظ على تراثها المقدس، ونشرها في كل أرجاء المعمورة،
وتأدية رسالة الإسلام السمحة إلى الناس كافة .
وكلية أصول الدين تجدد عمل النبوة في الأمة، وتنقي تراث الأمة من الدخيل، وتعطي للأمة دينها السمح الواضح الميسر .
وكلية أصول الدين تحمل العبء الأكبر على عاتقها في تصحيح العقيدة وصيانتها من الشبه والأباطيل
كما تحمل العبء في تجديد الوعي والتثقيف ومقاومة أدعياء الإسلام وتبصرة الناس بالتيارات والأهواء والمذاهب الاقتصادية والسياسية المعاصرة، ومدى العلاقة بينها وبين الدين الحنيف .
وللكلية فروع كثيرة بالمحافظات مثل
• كلية أصول الدين والدعوة جامعة الأزهر بالقاهرة (بنين)
• كلية أصول الدين والدعوة جامعة الأزهر بطنطا (بنين)
• كلية أصول الدين والدعوة جامعة الأزهر بالمنصورة (بنين)
• كلية أصول الدين والدعوة جامعة الأزهر بالزقازيق (بنين)
• كلية أصول الدين والدعوة جامعة الأزهر بالمنوفية (بنين)
• كلية أصول الدين والدعوة جامعة الأزهر بأسيوط (بنين)

أولاً عند البنين إسمها أصول الدين
عند البنات إسمها ️كلية الدراسات الإسلامية والعربية شعبة (أصول دين)
من أجمل أقسام كلية الدراسات الإسلامية وأسهلها
كتير بيخاف منها عشان كتر موادها أي نعم هي فعلا أكتر مواد في قسم إسلامي كله
بس أسهلهم بمعنى الكلمة ...المواد بتاعتها في الترم الأول 6 والتاني 10 يعني 16 مادة .
في الترم الأول (تاريخ سنة،منطق،فقه عبادات،نظم اسلامية، نحو وصرف،علوم قرآن)
والترم التاني(حديث تحليلي، تفسير تحليلي، تصوف، مصطلح حديث، توحيد، قرآن، E، ملل ونحل، أصول دعوة)
في مواد هتبقى ممتدة معاكوا من الترم الأول وهي الحديث التحليلي والتفسير التحليلي والتوحيد.. 
النحو والصرف علينا في أولى بس مش هندرسه ال3سنين الباقيين

أقسام الكليه :
كلية أصول الدين الحمدلله فيها 3أقسام للبنات وهما(حديث وعلومه، وتفسير قرآن وعلومه، وعقيدة وفلسفة)
الأقسام دي بنختارها لما نطلع تالتة ان شاء الله
أما عند البنين نفس كل اللي فات لكن الأقسام ليهم 4 والاضافه هي قسم(دعوة اسلامية) 

الكليه هتلاقي فيها جنسيات كتير ويمكن احنا أكتر كلية في إسلامي عندنا جنسيات من العالم كله
عندنا أندونيسيين وماليزيين وأتراك وروسيين وأفارقة وعرب من سوريا وفلسطين والمغرب
كلية عظيمه جدا ومهمه للي بيهتم بيها هيحصل علم شرعي عظيم جداً جداً
وهتطلعوا منها ممتازين في كل المواد الشرعية والفلسفية

نيجي لسؤال مهم طب ده اشتغل منها ايه ؟؟؟؟

أولاً مينفعش تفكر بالطريقة ده اللي داخل كليه زي أصول دين لازم يكون هدفه ونيته يحصل العلم الشرعي
مش كليه والسلام عشان مجموعي لأنه هيفضل يسقط لو دخلها كدا
أو ع الاقل مش هيحصل منها شيئ زي مدخل زي مطلع
من الحاجات المهمه جدأ القرآن مبيتهاونوش أبدا ف القرآن
واللي بيجيب فيه امتياز بيبقى مميز وبيترفع في مواد تانيه لو محلش كويس
اما اللي مش حافظ هيعاني جدا منها ومظنش حد نفسه يعاني ف القرآن وفرصه عشان يحفظه كويس
القرآن بيكون 7.5 أجزاء في السنه من سوره البقره بتمتحنهم آخر كل عام
والقرآن تراكمي يعني ف سنه تأنيه هتمتحن ال 15 وهكذا
=======
قسم تفسير
وده بتتعمق أكثر في التفسير وعلوم القرآن، ومناهج المفسرين، بجانب بعض المواد من القسمين الآخرين إضافة لمواد التخصص، وهو يعتبر من أيسر أقسام الكلية، وأقلها مواد بطول العام

قسم حديث
وده ثغر مهم جداً في الوقت الحالي، بتدرس علم الرجال ومناهج المحدثين ومواد تانية بتتبحري فيها في الحديث وعلومه، والقسم ده بيحتاج "حفظ" أكثر شوية عن القسمين الآخرين، وبتدرس برده مواد تانية بسيطة إضافة لمواد التخصص

قسم عقيدة وفلسفة

القسم ده غني عن التعريف، بمجرد ما بتدخل أصول من سنة أولى، هتلاقي تحذيرات مِ القسم ده،

، الطلبة دماغهم "بتضيع جوّه"، دول بياخدوا كلام إلحاد، ده أصعب قسم على مستوى دراسات إسلامية كلها
- لكن في الحقيقة قسم عقيدة وفلسفة هو من أعظم الأقسام في الكلية فعلاً،
قد يكون مواده أكثر عن بقية الأقسام، إلا إن دراستها ممتعة جداً للي بتحب المجال،
بتدرس الفلسفة بتعمق، المنطق، أخلاق فلسفية، العقيدة بتوسع، ومواد تانية، وخلاف كده كمان قسم عقيدة أكثر قسم بيدرس مواد من الأقسام التانية إضافةً لمواد التخصص، يعني هتدرسي مناهج محدثين ومناهج مفسرين، تفسير موضوعي، قضايا فقهية م

محمد خضر, [٢٩.٠٨.٢٠ ٠١:٤٤]
عاصرة، وعلم نفس كمان!
- بالنسبة لمنهج القرآن، زى ماوضحت بيكون تراكمي مع الأربع سنين زي أي شعبة في دراسات إسلامية، ومنهج أول سنة بيكون من سورة البقرة لسورة الأنعام

مواد سنة أولى:
بيكون في أربع مواد ممتدة على مدار العام " يعني بتدرسيها من أول تيرم، بس بتمتحنيها في نهاية التيرم الثاني"، وغالباً بيكونوا المواد الأساسية
• عقيدة "توحيد"
• تفسير
• حديث
• أصول الدعوة
• قرآن
مواد التيرم الأول
• علوم قرآن
• نحو وصرف
•تاريخ سنة "بتدرسي فيه تاريخ تدوين السنة والمراحل اللي مر بيها، وبعض الشبهات والرد عليها"
• فقه
• منطق قديم "وفي حين إنك كنتِ طالبة علمي في الثانوية، لازم تركزي جداً مع المادة دِه من بداية التيرم، وتحضري محاضراته كاملة"
• نظم إسلامية "من أجمل المواد اللي هتدرسيها في أصول"
التيرم الثاني:
• مِلَل ونِحَل "بتدرسي الديانات والمِلل القديمة وغيرها، زي الفرعونية والبوذية... إلخ"
• قصص قرآني "مادة رائعة جداً، بتدرسي القصص اللي في القرآن، زي حادثة الإفك مثلاً"
• علوم حديث
• إنجلش
أخيرا لو حابب تعرف تنسيقها العام الماضي
 

 

الفيديو

https://www.youtube.com/watch?v=J6SzaQ3Tqus

 

شكرا لكم....





أبحث عن أختبار