اعرف كليتك...كلية التربية ((قسم تربية خاصة))

اعرف كليتك...كلية التربية ((قسم تربية خاصة))

  • الجمعة ١٦ أكتوبر ٢٠٢٠ - ٦:٣١ م
  • 251

قسم تربيه خاصه 
تقريبا ده من اجمل الاقسام اللي موجوده في كليه تربيه .. 💙
#أولا يعني اي تربيه خاصه ! 
قسم بيهتم بتعليم ذوي الاحتياجات الخاصه زي
( الاعاقه العقليه _ الاعاقه السمعيه _صعوبات تعلم _ الموهوبين والمتفوقين _ اعاقه بصريه )
#ثانيا هدرس في القسم اي ! 
أول ما تتقبل في القسم بتختار تخصص من الاربعه دول ( تربيه خاصه لغه عربيه - تربيه خاصه انجليزي - تربيه خاصه علوم - تربيه خاصه مواد يعني دراسات وجغرافيا )
سنه أولي وثانيه هتدرس كل الاعاقات هتعرف معني كل اعاقه وازاي تتعامل معاهم واي العيوب والمميزات بتاعتهم وعلي اساسها بتقدر تختار الاعاقه اللي نفسك تدرسها في سنه تالته
#ثالثا في سنه تالته بيتم فيه اختيار التخصصات .. يعني اي ؟ 
يعني طول سنه اولي وتانيه بتدرس ك الاعاقات في سنه تالته هتختار اعاقتين هتتخصص فيهم وهتنزل تربيه عملي فيهم
#رابعا اللغات .. 
هتدرس الحروف بطريقه برايل تبع الاعاقه البصريه والحروف باللغه الاشاره تبع الاعاقه السمعيه فقط
#خامسا طبعا السؤال المعتاد له مستقبل أم لا ! 
أي قسم في أي كليه له مستقبل بس بإيدك انت للي تقدر تحققه
القسم مطلوب بره مصر .. وله مستقبل كويس
وكمان غير الشغل ده ثواب ان احنا بنساعد فئه وبنطور منها بعد ما كانت فئه غير مرغوب فيها
#سادسا ده أكتر قسم في الكليه محتاج شغل وحضور ومذاكره مستمره .. واكتر قسم بيطلب تكليفات وابحاث ..
الي حد ما متعب شويه بس ممتع وهتحس انك بتعمل حاجه مختلفه 
#سابعا في كورسات كتيره جدا ممكن تاخودها جنب الكليه او بعد التخرج زي اي !
دبلومه تربيه خاصه* كل الاعاقات- دبلومه أي اعاقه تختارها - كورسات لغه اشاره - كورسات تخاطب
في حااجات كتير لا تعد ممكن تعملها في الاجازه او وقت الدراسه
ممكن تنزل تدريب في اي مركز ذوي احتياجات خاصه وتاخود بالمقابل شهاده خبره التعامل مع ذوي الاحتياجات الخاصه 
دمتم بخير وكل سنه وانتوا طيبين
بالتوفيق

 

فيديو

https://www.youtube.com/watch?v=NqIkdzlN4eA

شكرا لكم

 





أبحث عن أختبار