اعرف كليتك.....كلية تجارة انجليزي

اعرف كليتك.....كلية تجارة انجليزي

  • الجمعة ١٦ أكتوبر ٢٠٢٠ - ٦:٠٣ م
  • 498

السلام عليكم ورحمة الله وبركاته

نتحدث اليوم بإذن الله

عن

كليه تجاره انجليزي


هنتكلم عنها بالتفصيل الممل جداً
عن تجارة انجليزي وفي فديو قبل كده بيتكلم عن تجارة عربي هتلاقوه في أخر المقالة.


- هي كليه حلوه ومستقبلها حلو و من القمه.


- هي وتجاره عربي مبني واحد ..بس الادوار ال فوق انجليزي وال تحت عربي
وهي انتظام بس اما عربي انتظام وانتساب.


بالنسبه لعربي ..طبعا مدرج كبيير جدا وفيه آلاف الطالبات


-لكن انجليزي عباره عن قاعات صغيره مش مدرجات لان عدد الطلاب فيها قليل اوي .. الدفعه بتكون حوالي 100 يعني
وهي مش موجوده إلا ف القاهره سواء بنين أو بنات وبتكون للعلمي والأدبي.


- " وطبعـــاً شرط أساسي مجموع الانجليزي يكون 80% فيما فوق يعني علمي 32 و أدبي 48 "  لو اقل بدرجه واحده مش حينفع حتي لو جايبه مجموع الكليه.


- بالنسبه لمصاريفها 3300 ف السنه بس.


خارج الكتب .. بس مفيش حوار الف ونص كتب ده ممكن يتدفعو علي مدار الاربع سنين مش ف سنه واحده يعني .
الكتب في كتاب ال Accounting بيكون ب 240 ج .. ده اضخم كتاب ممكن تقابلوه حجماً وسعراً .. ده بيكون لسنتين  اربع تيرمات .
وباقي الكتب لكام ماده بتكون اسعارها رمزيه 50 ج ف اقل.


وباقي المواد .. بيكون ليها ورق بتشتريه من المكتبه لكل دكتور و بيكون بسعر التصوير بس .. وال عايز يجيب الكتب للمواد يجيبها بس مبنستعملهاش ف حاجه لانها بتكون مجرد مرجع اجنبي ..لكن ال بنحتاجه هو كتاب الماده الأساسيه ف الكليه " المحاسبه " .. والمواد الشرعيه طبعا .

- مبتكونش عائق خالص لبتوع ادبي من حيث ال Math و ال Accounting " المحاسبه " و ال statistics "الاحصاء .
هي بتبقي مفاجأه يعني ف سنه اولي لادبي عشان مخدوش رياضه ليهم تلت سنين . بس يزاكروها كويس وحتبقي تمام هي مش صعبه .


غالبا الاوائل بيكونو من أدبي .


لكن ل علمي حتكون سهله عشان بتكون من منهج ثانوي .. بس الفرق انهم يتعودو عليها بالانجلش بس .
وعمتا الرياضه البحته والاحصا بياخدوها ف سنه اولي بس .


بعد كده بناخد رياضه ماليه واحصا ماليه ليهم علاقه بالبنوك ملهمش علاقه بالرياضه العاديه .


- بالنسبه للدكاتره هما كيوت جدا ومش حتكلم عنهم اكتر من كده ولو حابين تعرفو كل حاجه عنهم بالتفصيل الممل فى فيديو تجارة عربي لانهم نفس الدكاترة باختصار دكاتره سنه اولي لطاف


اهم حاااجه ف الكليه دي " ال Test Bank " بتاع الاسئله ده اهم من حياتك ✌️
- المواد ال فيها ..انا حتكلم عن ال ف سنه اولي و ال يخش اولي حيفهم الدنيا بعد كده .
1- Accounting "محاسبه "
2- pure math " رياضه بحته "
3- English
4 - law "مبادئ قانون "
ف اول سنه بندرس انواع القانون لكن سنه تانيه بناخد commercial law ده قانون تجاري بس
ومفيش قانون تاني بعد كده
5- Management " اداره اعمال "
6 - Economics "اقتصاد "
شغل Graphics وكده
7- OB " organizational Behavior " ده زي الاداره بااظبط بس بندرس فيها الادراه تحت السلوك الانساني " ودي ف الترم التاني "
8 - Natural Resources"موارد طبيعيه "
دي ماده شبه ال Science كده .
9 - statistics احصاء " ترم تاني برضه"
10 - قرآن طبعا و ده فالترم التاني وبيكون مقرر 5 اجزاء
11- عقيده واخلاق
12 - فقه
ودول ف الترم التاني برضه .. وبالنسبه للمواد المشتركه ف الاتنين .. Accountig دي اساسي
و ال English وال Economics

 

فيديو

انجليزي

https://www.youtube.com/watch?v=UmQo5SVq2XY

عربي

https://www.youtube.com/watch?v=WF6BElwn-BE

 

شكرا لكم...





أبحث عن أختبار