اعرف كليتك...كليه *الدراسات انسانيه قسم رياض اطفال*

اعرف كليتك...كليه *الدراسات انسانيه قسم رياض اطفال*

  • الجمعة ١٦ أكتوبر ٢٠٢٠ - ٥:٢٥ م
  • 280

السلام عليكم ورحمة الله وبركاته

اليوم نتحدث

عن

كليه *الدراسات انسانيه قسم رياض اطفال*

اول حاجة رياض اطفال بيعتبر القسم العملى الوحيد فى كلية دراسات انسانية .
_ بالنسبة للتنسيق السنة اللى فاتت العلمى كانت واخدة من 555 علمي
ومدة الدراسة : اربع سنين ..
بالنسبة لأقسامها : مفيش فيها اقسام وهى انتظام بس مفيش فيها انتساب
طيب ايه فرص الشغل فيها ؟
طبعا الشغل فيها بتكونى معلمة لمرحلة رياض اطفال يعنى KG1 وKG2 ....
الدراسة فيها عن ايه ؟
المواد فيها بتؤهل للتعامل مع الاطفال فى الروضة والروضة يعنى KG1 و KG2 الى هو من سن 4 الى 6 سنين بالتحديد .
_ و هنا ليه رياض اطفال كلية عملية ؟
طبعا لان بنتعامل مع اطفال فى سن صغير مينفعش لما مثلا اجى اشرح لهم الحروف مينفعش اشرح كانى بشرح لناس كبيرة لاء لازم اثير انتباه الاطفال لان الطفل فى السن دا لو حس بملل عمره ما هيركز مع المعلمة فبنتعلم فى الجزء العملى ازاى نعمل وسائل للاطفال يتعلمو منها وتثير انتباههم وتكون شيقة ليهم .


العملى فيها اما يكون : " فردى" يعنى كل طالبة بتعمل وسيلة لوحدها بعد ما الدكتور تحدد هيكون عن ايه ممكن مثلا تكون وسيلة بنوضح بيها للطفل الطعام الصحى والغير صحى وبتدخل المعيدة بعد ما الدكتور تحدد تشرح هنعمله ازاى وممكن تدى افكار مختلفة لتنفيذ الوسيلة دى وفى الاخر كل طالبة وسيلتها بتختلف عن التانية وبتتقيم عليها يعنى المعيدة بتديها تقدير على وسيلتها وغالبا العملى دا عليه نص الدرجة والنص التانى على امتحان الفاينال بتاع اخر السنة .


وممكن العملى يكون "جماعى" يعنى عبارة عن جروبات كل جروب بيشتغل مع بعضه وفى الاخر بيتقيموا بردو على شغلهم .
*مواد الترم الاول: 
1-المهارات الاساسية فى التربية الفنية ودى مادة نص الدرجة على العملى وبيكون فردى .
2- مدخل لرياض اطفال .
3- ثقافة الطفل والعملى وفيها عملى جماعى .
4- تدريب ميدانى وعموما المادة دى بتعرف المعلمة ازاى تقسم اليوم الدراسى فى الروضة وتتعامل مع الاطفال وتكتشف مواهبهم وبتألهنا لنزول روضات ابتداءا من سنة تانية ودى من المواد الممتدة يعنى بناخدها ترم اول وتانى وفيها عملى فردى وتعتبر من مواد التخصص .
5- تشريعات ومنظمات الطفولة ومفهاش عملى هو بس الدكتور بتطلب بحث وبيجى منه فى امتحان الفاينال .
6-صحة الطفل ودى مادة بتديها دكتور من كلية الطب وبتتكلم عن الامراض المنتشرة بين الاطفال وطبعا بالعربى وازاى نتعامل مع الطفل فى الروضة لو عرفت المعلمة ان عنده مرض معين .
7-انجليزى واسهل بكتير جدا من بتاع الثانوى وهو 5 وحدات بتتكلم عن اركان الاسلام وفى كل وحدة جرامر بسيط جدا .
8-النمو النفسى للطفل .

*مواد الترم التانى:
1-علم نفس اللعب بتتكلم عن اهمية اللعب ودوره وفى عملى بتختار اما بحث او عملى عبارة عن العاب بتنفذيها :V
2-عقيدة واخلاق ودا زى التوحيد .
3- قران خمس اجزاء من الناس للاحقاف .
4- فقه .
5- تدريب ميدانى وفيها عملى .
6-مناهج وبرامج والعملى فيه ان نحضر برنامج يومى واسبوعى للروضة بعد ما الممعيدة تشرح الطريقة .
7- تربية حركية والعملى فيها جماعى وهو ان بنمثل قصة حركية يعنى قصة عن حيوانات مثلا ويكون فيها حركات . 
8-قراءات ودى مادة بالانجلش وان شاء الله اسهل مادة هو الدكتور تقريبا مش بتشرح اى حاجة كل المطلوب انها بتدى لكل جروب عدد من الصفحات يترجموها ودا مش صعب اوى فى ناس بيترجموا من النت وفى اللى بيدى لحد يترجملو بس الموضوع سهل ان شاء الله وواحدة منهم بتطلع تشرحه باسلوبها حسب فهمها ليه ويتقيموا عليه وفى اخر السنة المادة الوحيدة اللى الدكتور بتدى ملزمة صغيرة جدا بيجى منها الامتحان بالنص ، وبتحدد 6 براجرفات مثلا نذاكهم ونترجمهم وتجيب منهم براجراف او اتنين فى امتحان الفاينال نترجمهم .

المواد المذكوره في البوست دي لسنة اولي بس

الحاجه الجديدة أن القسم ده موجود في تلت محافظات على مستوي الجمهورية
ده الجديد وطبعا المجموع ممكن يختلف.

 

فيديو

https://www.youtube.com/watch?v=eWtB26OykWA

 

شكرا لكم.............





أبحث عن أختبار