اعرف كليتك...كلية لغات وترجمة  قسم (( أسباني))

اعرف كليتك...كلية لغات وترجمة  قسم (( أسباني))

  • الخميس ١٥ أكتوبر ٢٠٢٠ - ٨:٠٠ م
  • 263

السلام عليكم ورحمة وبركاته....

مرحبا بكم إخوتي....

اليوم نتحدث بإذن الله

عن

كلية لغات وترجمة  قسم (( أسباني))

 

لما تيجوا تملوا الرغبات بالنسبة للبنات هتلاقوها تحت اسم "كلية الدراسات الإنسانية قسم اللغة الإسبانية"

أما عن بنين فهو قسم من أقسام كلية لغات وترجمه

 

نيجي بقا احنا هندرس في الفرقة الأولي:

أول سنه دي بتبقي سنه لذيذة وخفيفة كده بس عشان أول مرة هتتعرضوا للغة ف الموضوع دا ف البداية بيبقي  الى حدٍ ما صعب شويه لكن الأمور بعدها بتبقى سهلة.

الترم الأول 7مواد...

لغة عربيه "نحو وصرف"

اللغة الثانية بالنسبة للبنات انجليزي اجباري

صوتيات :ودي مادة ف البداية خالص تعرفوا نطق الحروف وبعدها الموضوع يتطور شويه ونوصل لمرحلة الكلمات ونمسك الكلمة ونقسمها لمقاطع وحاجات تانية يعني بس الموضوع مش صعب ان شاء الله.

-قراءه واستماع: لماده عباره عن إنكم تسمعوا وتكتبوا بس كده -إملاء يعني-بس ما يضرش انه يتخللها اسئله استنباطيه كده يعني.

-معاجم لغويه: المادة ف البداية هتسترخموها جداً بس هي ما يتخافش منها بصراحه

-قواعد: دي مش محتاجه اتكلم عنها يعني كل لغة وبيبقي لها قواعد.

بس ف البداية تحسوا انها متقاربه مع الصوتيات بس بعد كده كل واحده فيهم هتبقى ف نطاق لوحدها.

-أدب أندلسي والمادة دي بالعربي لا تقلقوا

*مواد الترم الثاني بقا..

-قواعد تاني بس الأمر بتوسع عن ما كان ف الترم الأول.

-قراءه واستماع تاني

-محادثه: مش محتاجه كلام

-ترجمه وكتابه وتعبير: المادة دي بدايةً بتعرفكم علامات الترقيم وكل واحده فيهم بتتحط فين وازاي وبعدها الأمر يدخل ع انكم تكتبوا خطاب -بالإسباني طبعاً-وف الأخر بتطلب منكم تكتبوا موضوع صغير كده يعني..

-فقه وعقيده..

واخيراً القرآن بيبقا5أجزاء ف السنة من جزء عم..

 

النطق بالإسباني حقيقةً من اسهل نطق اللغات اللي بيتنطق بيتكتب اللهمَّ إلا بعض الحروف نطقهم زي بعض بس ده هيجي مع حفظ الكلمات الكيرة ...

مجالات العمل بعد التخرج؟؟

ممكن ف السياحة ،التدريس ،مجالات الترجمة طبعاً...

 

شرح فيديو

 

شكرا لكم





أبحث عن أختبار