اعرف كليتك... كلية الشريعة والقانون

اعرف كليتك... كلية الشريعة والقانون

  • الخميس ١٥ أكتوبر ٢٠٢٠ - ٥:٣٤ م
  • 352

السلام عليكم ورحمة الله وبركاته

مرحبا بكم إخوتي....

كليه الشريعة والقانون

كلية مهضوم حقها رغم إنها من أعظم الكليات في الازهر

 

الكلية داخلها 3 شعب :

1-شريعه وقانون

 2-شريعه اسلاميه

 3-شريعه وقانون انجليزي(بمصروفات).

 

هنتكلم النهاردة  ان شاء الله عن شريعة وقانون عربي وانجليزي

هي كليه مش صعبه ومش سهله ف نفس الوقت

 

طب ازاي ده !!

الكلية ببساطه سهله للي بيذاكر من اول السنه ويحضر المحاضرات أول بأول ورا الدكاترة.

 

وصعبه للي بيأجل مذاكرتها ويخليها تتراكم عليه لان موادها كتييير ومنهجها كبييير

مده الدراسة بالكلية 4سنوات وكانت قبل كده  5 ف الأعوام الماضية.

مكانها؟

 

الكلية موجوده ب( القاهرة - طنطا - تفهنا الأشراف - دمنهور - أسيوط ) .

اما للإنجليزي فغير متاحه الا ف القاهرة فقط.

 وبتدرس فيها أغلب المواد بالإنجلش والعربي ف نفس الوقت ومصاريفها بتكون ف حدود من 3 الاف ل 4الاف.

 

طيب انا هشتغل ايه من الكلية ده ؟ شيخ مثلا ولا ايه؟

 

بص يا سيدي انت ف كليه نعمه من ربنا عليك اولا بعد متخلصها هيكون معاك شهاده تثبت ان معاك الليسانس ف الشريعة الإسلامية وكمان في الحقوق.

يعني ممكن تطلع محامي تطلع قاضي تشتغل ف النيابة تطلع وزير العدل عادي جدا.

وغير ده كله ممكن تكون معيد ثم دكتور او تكون مأذون او اقل شيء خالص تكون مدرس شرعي بص مش هتلاقي فرص عمل اكتر منها.

حد هيجي يقلك لازم الواسطة و.و.و.

لأ خالص اجتهد وهات تقدير وخليك واثق ان ربنا لا يضيع اجر من احسن عملا

 

طب موادها ايه .؟

 

بص يا سيدنا مواد كليه الشريعة والقانون هما 14 ماده

مقسمين لمواد ترم اول .......ومواد ترم تاني... ومواد ممتده

 

طبعا هتسالني يعني ايه ممتدة انا عارف ؟

 

 يعني بتخدها من أول السنه ف الترم الاول لحد اخر السنه ف الترم الثاني وتمتحنها فيه.

مواد الترم الاول:

وهي :تاريخ تشريع - تاريخ قانون - قضايا فقهيه معاصره - علم عقاب واجرام - مصطلح حديث

 

مواد الترم الثاني : منظمات دولية - لغة انجليزية.

 

المواد الممتدة :قران - اصول فقه(نصي-موضوعي) - فقه مذهبي(نصي وموضوعي) - مدخل علوم قانونيه - نظم سياسيه ودستوريه - قاعه بحث (مدخل قانون-فقه).

 

شرح فيديو

 

قناتنا علي يوتيوب

اضغط هنا





أبحث عن أختبار