تعرف علي كليتك...كلية الدراسات الإنسانية بأقسامها((مقال+فيديو))

تعرف علي كليتك...كلية الدراسات الإنسانية بأقسامها((مقال+فيديو))

  • الأربعاء ١٤ أكتوبر ٢٠٢٠ - ٤:٥٢ م
  • 777

السلام عليكم ورحمة الله وبركاته...

مرحبا بكم إخوتي في موقعنا....

النهاردة بإذن الله تعال  هنتحدث عن 

كلية الدراسات الإنسانية وبالأخص جامعة الأزهر

 

سنتحدث عن أقسامها(( قسم تاريخ/قسم الجغرافيا))

 

أولا// قسم تاريخ 

س/عن ماذا يتحث قسم التاريخ؟

ج/

عبارة عن كليه عاديه خالص بتعرف فيها التاريخ بمعني كانوا زمان

عايشين ازاى كان مين حكمنا،مين محتلنا،مين واقف معانا،وحالنا زمان، وحالنا دلوقتى،ممكن حد بقى بيحب القراءههيكون فاهم ويجيب كتب ويقرأ وحد تانى ملهوش فى جو القراءة بس من المحاضرات هيفهم....

 

س/هو أنا لازم أحضر المحاضرات؟

 ج/

بمناسبة المحاضرات بص إذا كنت ادبى أو علمى فلازم تحضر هتفرق معاك،وبالذات

لو كنت علمى لأنك هتكون مش فاهم حاجه خالص وأدبى بردو لازم تحضر بيفرق جامد جدا معاك.

ميهمكش من دكتور يقولك أنا بسقط بمزاجى أو بنجح بمزاجى.

لأن الدكتور بيكون عارف اللى حضر من اللى محضرش لما تحل فى ورقة الاسئله ودا هيفرق جدا عند الدكتور،

وغير كدا   الحضور هيسهل عليك المذاكرة لأن الكتب بتنزل فى الأخر أو على حسب مزاج الدكتور.

س/إيه هى المواد وكام ماده علينا فى السنة؟

ج/

 

كلية التاريخ :

هي 4 سنين

 

سنة أولي :

التيرم الأول : السيرة النبوية – مصر والشرق الادني القديم – تاريخ الأنبياء – تاريخ الإغريق والرومان – مناهج البحث في التاريخ القديم – اللغة الأوروبية

 

التيرم الثاني : القران الكريم – العقيدة والاخلاق – الفقه – تاريخ الخلفاء الراشدين – اللغة العربية ( نحو – صرف ) – مصر في عصري البطالمه والرومان – مصر البيزنطية–الجغرافيا الاقليمية.

 

سنة تانية :

التيرم الأول : اللغة العربية ( أدب وبلاغة ) – مصر الاسلامية –أوروبا في العصور الوسطي – الدولة الأموية –الحضارة والنظم اليونانية والرومانية –الجغرافيا الاقتصادية – اللغة الأوروبية

 

التيرم الثاني : القران الكريم – الدولة العباسية – العلاقات بين الشرق والغرب – الطولونيون والاخشيديون –الدولة البيزنطية – الدولة العثمانية –تاريخ اوروبا من مطلع العصور الحديثة حتي نهاية القرن 18

 

سنة تالتة :

التيرم الأول : الحضارة الأوروبية في العصور الوسطي –المغرب والأندلس –مصر العثمانية – مناهج البحث في التاريخ الاسلامي –الدولة الفاطمية – الجغرافيا السكانية – اللغة الشرقية " تركي او فارسي"

 

التيرم التاني : القران – التفسير –الأيوبيون – المماليك – الدويلات الإسلاميه في الشرق –تاريخ مصر الحديث –أوروبا في القرن التاسع عشر – النصوص التاريخية باللغة الأجنبية (نصوص في التاريخ الاسلامي ).

 

سنة رابعة :

التيرم الأول : الحديث الشريف – الحضارة الاسلامية –تاريخ افريقيا الحديث – موضوع في تاريخ اسيا –مناهج البحث في التاريخ الحديث – الشرق العربي الحديث – تاريخ الأمريكيتين – اللغة الشرقي " تركي او فارسي ".

 

التيرم التاني :

القران الكريم – تاريخ اوروبا المعاصر – تاريخ المغرب العربي الحديث –تاريخ مصر المعاصر –نصوص تاريخية باللغة الأجنبية (في التاريخ الحديث ) – الجغرافيا السياسية –الاستشراق والمستشرقون.

 

 

سنة أولي عباره عن تاريخ قديم جدا

 

تاريخ قديم زي (إغريق ورومان وبطلمي وشرق ادني و بيزنطي وفي مادة إسمها مناهج بحث دي بتعلم ازاي بتعملي بحث )

بالإضافة ل ( قران طبعا ودا كل سنه 5 اجزاء غير تراكمي ونبدا من جزء عم // لغه أوربية // عقيده وأخلاق // نحو وصرف سيره نبويه تاريخ انبياء جغرافيا خلفاء راشدين)

 

تيرم اول 6مواد (( تاريخ انبياء /سيره / لغه أوروبيه ..هي اصلا انجليزي او فرنساوي لكن بيضحكو علينا ويدونا انجليزي بس ودا بناخد ف أولى و تانيه جرامر ف أولي وإسلامك // إغريق ورومان // مناهج بحث // شرق ادني// والباقي بناخده تيرم تاني...

 

أما بقي تانية:

بيبقي تاريخ إسلامي و لغه أوروبية و مناهج بحث وماده أو اتنين.

 

وتالتة:

 

بتبقي تاريخ حديث و مناهج بحث و بيبقي في لغه شرقية((تركي او فارسي بس بالاختيار ولو مثلا اختارنا في 3 تركي يبقي بناخد 3 و4تركي في 3 تركي قديم و 4 تركي حديث حسب مزاج الدكاتره)))

ورابعة بتبقي بقي تاريخ معاصر ولغه أوروبية ومناهج بحث

 

الكليه مش صعبه عاوزه مذاكره وأى كليه هتذاكر فيها هتكون سهله.....

 

مكانها:

 

وهي موجودة فى القاهرة وتفهنا

في البنين تعتبر مفيش لكن المقابل ليها شعبه التاريخ والحضارة فى  كليه اللغه العربية

وبتقبل ع حسب المحافظه أدنى شيئ ليها ف الأقاليم 55 وتوصل ل 75 حسب المكان.

 

مجالات الكلية:

 

لو إجتهدت شويه وكنت من الأوائل بتتعيني معيدة فى الجامعه لحد ما توصلي للدكتوراه،

وممكن  تكونى مدرسه أو مرشده سياحيه على حسب هدفك....

 

 

 

كليه الدراسات الانسانيه قسم " جغرافيا" للبنات:

 

البنين بتبقى قسم داخلي في كليه تربية 

 

الكلية  انتظام فقط مفيهاش انتساب

 

س/الكليه دي مفيدة؟

ج/

هيا كليه كويسة للي يحبها ويذاكر فيها،

وعشان تبقي حاجه كويسه فيها لازم تجيب تقدير كل سنة وتتعين معيد فيها.

واللي مش حابب كده بعد متخلص الاربع سنين تاخد دبلومه وتبقي مهندسه مساحة

 

وده مفيد جدا بالنسبه للبنات

أما المساحه فهي جميله بردو بس فيها شوية تعب وعايزه جرأه من البنات شويه عشان هتنزل مواقع

وكدا اما البنين مفيش مشكله خالص والمساحه جميله بالنسبه ليهم.

 

وكمان كل سنه ف الاجازه ليك فرصه تدريب ف شركه المقاولين او اي شركه من شركات الأعمال الهندسية والتدريب بيفيد جداا عشان لو حبيت تشتغل

وكمان ليك فرصه إنك تشتغل ف وحده الاستشعار عن بعد والتعداد السكاني والحاجات الجغرافيه كلها او تبقي مدرس لو عايز...

 

 

س/المواد إي؟

ج/

* الترم الاول :

انجليزي،نحو،،جغرافيا طبيعيه ( بتدرس المظاهر الطبيعيه ع الخريطة من جبال وهضاب وسهول وغيره... )

، جغرافيا بشريه( السكان وكده ونسبهم )،جغرافيا وطن عربي،تاريخ مصر القديم..

 

* الترم التاني:

ماده أوراسيا ( يعني اختصار لكلمه أوروبا وأسيا بتدرس القارتين )،

افريقيا وحوض النيل، مساحه وخرائط(يعني تجيب مساحه الخريطه والاراضي وكده ونقيسها)

،القرآن الكريم،العقيده والاخلاق

،الفقه،،الجغرافيا الاقتصاديه( بتدرس اقتصاد البلد من زراعه وصناعه وبترول وتعدين )..

 

شرح فيديو:

 

 

رابط يوتيوب

من هنا

أرجوا من الله أن أكون قد وفقت في الإجابة علي أسئلتكم...

ويمكنكم سؤالنا في التعليقات وسنجيبكم بإذن الله...


الاقسام :



أبحث عن أختبار